24/50
Mi gratulas vin, karaj vizitantoj kaj teamanoj de Verda Filmejo, pro tio, ke hodiaŭ en la retejo aperis la 50-a filmo.
Kion tio signifas?
Tio signifas, ke ni multe laboris dum 7 monatoj, ke multaj interesaj homoj aliĝis al la Verda Filmejo kaj ne nur por ĝui la mondan filmarton, sed ankaŭ por krei proprajn tradukojn de filmoj.
Finsemajne ni atingos la belan ciferon je 10 000 vizitantoj kaj 37 000 montritaj paĝoj. (Laŭ statistiko de Google Analytics)
Kaj mi malkaŝas sekreton: ankoraŭ 50 filmoj atendas sian aperon en Verda Filmejo.
(Ili nur devas esti redaktataj. Mi invitas aŭtorojn)
Ankaŭ hodiaŭ, la 21-an de januaro, mi festas mian naskiĝtagon. Do, la bela cifero estas donaco ankaŭ por mi.
Okaze de tiu malgranda festo, mi organizas AKCIONON:
Ideo: Mi NE ŝatas ricevi donacojn, sed mi aktive donacas en mia naskiĝtago. Mi ŝatus, ke vi sekvu la ekzemplo hodiaŭ. (Ekzemple, al vi mi donacis la filmon “Kazaroza”, kiun mi tradukis ankoraŭ somere, sed mankis tempo por finredakti.)
Ago: Por fari agrablaĵon por mi (nur se vi tion volas), vi donacu al via amiko, konato, samklubano, kiu parolas Esperanton iun filmon el Verda Filmejo.
1. Prenu DVD-on;
2. Registru ĝin kun iu filmo el Verda Filmejo, kiun vi persone opinias spektinda;
3. Donacu ĝin al via E-amiko.
4. Skribu en la komentoj, ke vi donacis. (Poste ni kalkulos, kiom da homoj iĝis pli feliĉaj la 21-an de januaro kaj post ĝi)
(En la kazo, se en via loĝloko mankas aliaj esperantistoj, elektu filmon, kie oni nur malmulte parolas, ekz. Printempo, Somero…, Triopo de Belleville kaj donacu ĝin.)
Sciu, ke ĉiuj filmoj en Verda Filmejo ne estas farataj komerce, ili estas farataj nur por la disvastigo kaj propagando de la internacia lingvo Esperanto.
Ĉu vi partoprenos la akcionon? (24/50)
- Jes (67%, 14 voĉo(j))
- Ne (19%, 4 voĉo(j))
- Eble (14%, 3 voĉo(j))
Tutaj respondintoj: 21
Ŝarĝo ...Aleksander Osincev
kunordiganto
Pritakso de la filmo:
(1 voĉoj, averaĝe: 5,00 el 5)
Ŝarĝo ...Probable vin interesos ankaŭ tiuj filmoj:
17