Komentoj pri: Gerda malaperis

De: Jason Castle

Jason Castle — Thu, 10 Dec 2009 06:22:06 +0000

KienLi–

Vi tute pravas, miaopinie. Trafa sinteno. Kaj bonan servicon vi provizas por ni.

Koran dankon.

De: KienLi

KienLi — Wed, 26 Aug 2009 21:19:52 +0000

Mi ja ne insistas pri tio, ke la filmo ne povas esti disdonata ie. Se oni volas, oni trovos. Mi havas pri tio sian firman vidpunkton.

Esperanta filmado kaj produktado bezonas subtenon, cxi-kaze financan, ecx ol aliaj bonaj projektoj. Bedauxrinde esperantistoj ne komprenas tion kaj taksas nek la laboron nek rezultojn.

Kompare kun la nesperanta filmproduktado, kiu ricevas grandegajn profitojn, la esperanta bezonas pli da atento.

Estas mia opinio, kio influas la filmelekton en cxi tiu pagxaro.

Mi elspezas mian monon por subteni la pagxaron (retgastigo) , por acxeti filmojn, por planata servilo por disdoni filmojn kaj plifaciligi la elsxuton, mi elspezas mian tempon gxis 8 horoj tage por la pagxaro.

Do, mi elspezas, elspezu ankaux vi minimume ne por subteni min, sed por subteni E-filmoproduktadon.

De: vktoronino

vktoronino — Tue, 25 Aug 2009 12:02:13 +0000

Mi ne komprenas kial vi instigas acxeti tiun filmon kaj santempe oferas “senpage” la aliajn

De: Rui Palma

Rui Palma — Sun, 23 Aug 2009 12:31:21 +0000

STEFAN, ne zorgu ke mi jam telefonis al amikoj miaj el Holivudo kaj MTV kaj konvinkis ilin komenci produktante en Esperanto.
Kompreneble la filmo ne estas holivuda produktaĵo, estas amatoreta sed estas vere spektinda kaj por mi estas ja tre valora ĉar estas en Esperanto. Kaj estas bona maniero por praktiki, ĉefe por tiuj kiuj legis la historion, kiel mi.

De: KienLi

KienLi — Tue, 04 Aug 2009 16:12:53 +0000

Dankon pro via komento, ĝi estas tre grava.

Mi esperas, ke vi havas propran opinion ankaŭ pri aliaj filmoj, kiuj estas prezentitaj en la retejo.

Mi ankaŭ esperas, ke, krom kriaĉi ĉi tie, vi okupiĝas pri vere interesaj kaj utilaj, ne amatorecaj kaj ne tiaj fuŝaj projektoj kaj aferoj, verŝajne ili estas ankaŭ ne tiaj pirataj.

Volonte mi aŭdus pri ili.

De: Stefan

Stefan — Tue, 04 Aug 2009 12:59:55 +0000

Cetere, mi jxus legis la komentojn…ridindaj, vere!

Kial oni ne povas kopii rete tiun merdan filmon, cxar tiel la ago estus kontraux-movada…sed kopii kaj pirati cxiujn aliajn filmojn de cxi tiu retejo, jen afero inda..

Iru merden, vi piratoj kaj fusxaj esperantistacxoj…!!!!

De: Stefan

Stefan — Tue, 04 Aug 2009 12:57:48 +0000

Jen unu el la plej acxaj filmoj, kiujn mi spektis dum mia tuta vivo. Prononco fusxa, plena je brazilacxaj akcxentoj, roluloj kies mienoj kaj movoj estas kaj restas amatoregaj, kaj fusxega transadapto de historio originale okazinta en Euxropo, kiu en la filmo havas lokon en Brazilo.

Fusxega laboro, kaj pro tio mem, vere Esperantista, en la senco plej malbona. Kial cxio en cxi tiu lingvo devas esti tiel fusxa, cxiam?

Kaj precipe, kial cxiuj sxatas lauxdi amatoregajn kaj ege fusxajn laboracxojn, nur cxar ili estas en Esperanto? Kia stranga manio de la esperantistoj…se estas io en Esperanto , gxi farigxas auxtomate spektinda….

Acxa filmo…elspezu vian monon en pli utilan aferon..baf!!

De: KienLi

KienLi — Sat, 04 Jul 2009 12:08:17 +0000

Karaj, ne forgesu pritaksi la filmon per steloj fine de la artikolo. 1 – malbona … 5 -bonega. Dankon!

De: Kienli

Kienli — Tue, 23 Jun 2009 14:58:55 +0000

Mi jam diris mian opinion pri la afero

De: kitzOgen

kitzOgen — Tue, 23 Jun 2009 13:45:32 +0000

Ĉu iu povus alŝuti la filmon en Interreton?

Ĝis baldaŭ

De: KienLi

KienLi — Tue, 16 Jun 2009 16:46:22 +0000

Filmoj entute estas bonega instrumaterialo, ĉar oni perceptas la lingvon vive en reala situacio, pro tio oni pli bone memorfiksas.

De: Karl

Karl — Tue, 16 Jun 2009 15:49:22 +0000

Karaj,
ni en la Esperanto-Klubo Munkeno jam uzis tiun bonan filmon por plibonigi nian e-scion. Vi povas uzi diverslingvajn subtitolojn kaj per uzado de la e-subtitoloj komencantoj pli facile povas sekvi la paroladon, kiu ofte estas iomete brazile influita. Tre rekomendinda filmo

De: KienLi

KienLi — Tue, 16 Jun 2009 04:42:15 +0000

> Estas la rara okazo, kiam aĉeto de disko signife helpas aperon de novaj tiaj diskoj.

Pro tio mi ne disdonas aktualajn Esperanto-filmojn. Per aĉeto de la disko subtenu la produktanton.

De: Slafko

Slafko — Mon, 15 Jun 2009 22:37:36 +0000

» cxu iu havas na emule-ligilo de cxi tiu filmo?

Havu honton, aĉetu per REU en Rusio aŭ alimaniere en aliaj lokoj, estas oportune kaj ne tro koste. Estas la rara okazo, kiam aĉeto de disko signife helpas aperon de novaj tiaj diskoj. Aŭ venu gaste — mi montros al vi

La filmo estas nenia: sufiĉe amuza por lernofilmo, kun iom da brazila spico. Kaj ĉio. Tamen bonega laboro kaj granda atingo por nia malgranda film-industrio.

De: Esperanta forumo

Esperanta forumo — Sat, 13 Jun 2009 23:13:12 +0000

Sal’ karaj,

cxu iu havas na emule-ligilo de cxi tiu filmo?

Dankegon!

De: KienLi

KienLi — Thu, 11 Jun 2009 07:31:05 +0000

Kiu spektis la filmon? Kion vi pensas pri ĝi?