Priskribo:

La jaro 1920. En uralan provincan urbon venas gastrole kun koncerto fama kantistino Zinaida Kazaroza. Ŝia malnova admiranto ĵurnalisto Sveĉnikov persvadas ŝin kanti en Esperanto-klubo “Espero”. Dum la kluba koncerto ŝi estas murdita de nekonato. Ekde nun Sveĉnikov decidas, ke li devas trovi la murdiston…

“Mistero de ŝia animo estas kaŝita en mistero de ŝia morto”.

Misteraj sektanoj, idisto, murdisto kaj postsekvata revoluciulo, esperantistoj kaj  kaŝitaj amantoj, ĉiuj ili plektas streĉitan suĵeton de la triparta filmo “Kazaroza” laŭ la samnoma romano de Leonid Juzefoviĉ.

La romano “Kazaroza” estas historia detektivo pri la eventoj en Ruslando de la tempo de la rusa civila milito. Estis eldonita en la jaro 2002 kaj jam en la jaro 2003 ĝi iĝis finalisto de prestiĝa literatura konkurso “Russian Booker Prize“.

Filmado

Laŭ mendo de la “Unua kanalo”, tutrusia televidkanalo, estis filmita triparta filmo “Kazaroza”. La scenaron skribis mem Leonid Juzefoviĉ, sed ĝi ege malsamas kun la romano, la romano finiĝas aliel kaj estas alia murdisto. La montro de la filmo estis komence planita por 2005, tamen estis ŝovita al februaro de 2006.

En la ruslingva DVD-disko estas Filmo pri filmo, rakonto pri la ceteraĵoj, pri la ideo, pri Esperanto. Oni ankaŭ intervjuis du famajn esperantistojn, Georgij Kokolija kaj Viktoro Aroloviĉ, la lasta eĉ kantas la himnon “Espero”.