Priskribo:

En Francio, S-ino Souza edukas sian nepon, Champion, juna malgaja orfo.

Por distri Champion, la avino unue aĉetas hundon, Bruno, al li. Poste, vidante ke la hundo ne sukcesas gajigi lin, ŝi aĉetas elektran trajneton al li. Sensukcese, la knabo daŭre restas melankolia. Fine, ordigante la dormoĉambron de Champion, S-ino Souza malkovras libron kun fotoj de biciklantoj. Ŝi tuj decidas aĉeti triciklon al li, kaj la infano fine montriĝante pasiita de io, post jaroj da trejnado, konkuras sur la vojoj de Tour de France. Tamen, Champion elĉerpita malfruas ĉe la fino, kaj li estas kaptita de misteraj nigre vestitaj viroj kiuj forprenas lin kun du aliaj partoprenantoj trans Atlantikan oceanon.

Por retrovi sian nepon, S-ino Souza ne hezitas transiri oceanon per pedalfloso ĝis fora Belleville. Alveninta en Usono, ŝi restas senmona sed renkontas (per muziko kaj kanzono) tri maljunajn virinojn, la Triplettes de Belleville. La Triplettes kunprenas S-inon Souza en sian loĝejon, kaj partoprenigas ŝin al unu el iliaj spektakloj kiel muzikistinon. Dum la spektaklo, S-ino Souza ekvidas la anojn de Franca Mafio, kiuj strange similas al la viroj kiuj forprenis Champion. Helpata de la Triplettes, ŝi sukcesas postsekvi ilin kaj liberigi sian nepon post memorinda postkuro.

(el Vikipedio)