Priskribo:

Aliplanedano Mazi alteriĝas en Gondolando. Lin atenas interesa kaj foje danĝera historio pri saĝulo, kiu havas sekretojn, kaj ĝardenisto, kiu amas princinon, kaj bongustaj horloĝoj kaj multo alia.

Mazi en Gondolando estas Esperanto-lernolibro por komencantaj infanoj, junuloj kaj plenaĝuloj eldonita de IEI (Internacia Esperanto-Instituto). Ĝin akompanas vidbendoj kun la desegnaĵo-filmoj “Mazi en Gondolando” kaj “Mazi revenas al Gondolando”.

Adapto de la fama BBC-seria lingvokursa materialo. La esperantlingva versio konsistas el la libro, vidbendo kaj kantokasedo, krom la kompleto aĉeteblas ankaŭ porinfana ekzercolibro (vidu la recenzon sube). La materialoj estas uzeblaj ankaŭ memstare laŭ diversaj aplikmanieroj por la diversaj celgrupoj.
La filmo estas kolora, tre alloga kaj amuza. La voĉon de la rolantoj donas poloj kun sufiĉe bona prononco. La filmo ne dividiĝis je lecionoj, estas kontinua la rakonto. Por mallongaj gramatikaj klarigoj la intrigo estas interrompata, aplikiĝas mediatoroj (gramatikcelaj resum-skemoj) kaj speciala rolulo en apartaj situacioj. La tuto estas taŭga por ne nur instrui la internacian lingvon, sed ankaŭ veki la atenton pri ĝi jam ekde la frua infanaĝo, ja la etuloj ofte volonte rigardas la filmon ankaŭ en ties tuta longeco, kiel ili tion faras kun la aliaj desegnofilmoj en la televidiloj.
La libro enhavas la tutan tekston de la filmo, metodikajn konsilojn, fine kelkajn resumajn ekzercojn kaj leksikan indekson. Por pliaj informoj turnu vin al: IEI kiu ankaŭ vendas la materialon. (Fonto: Edukado.net)

Spekti rete: http://iompostiom.net/mazi
Materialoj: Lecionoplanoj kaj aldonaj lerniloj por Mazi-kurso