Verda Filmejo

Ne plu aperos filmoj

3a de Decembro 2009

12

Ne plu aperos filmoj


Ne plu aperos filmoj en Verda Filmejo ĝis mi ne verkos iun eĉ plej malgrandan manlibreton “Kiel krei kaj traduki subtekstojn”.

Ĉi tie: Subtekstejo (http://filmoj.net/subtekstejo)

Pridiskuto okazos ĉi tie: Forumo (http://filmoj.net/forumo/topic.php?id=13)

La kaŭzo estas tio, ke nuntempe mi havas en stoko nur subtekstojn, kiuj devas esti draste redaktitaj. Mi ne volas publikigi fuŝaĵon.

Dum mi redaktas la sekvan filmon, mi ŝatus ekokupiĝi pri kreado de tiu Manlibro.

La celo estas pligrandigi la kvanton kaj kvaliton de subtekstoj kaj kunlaborantoj ;) (Mi ege bedaŭras, ke mi havas nur du manojn).

Mi invitas vin kunlabori pri verkado de tiu moderna manlibreto, kiu montros, ke de teknika vidpunkto krei kaj traduki subtekstojn estas ege facila afero.

P.S. Ĉiuj miaj projektoj havas tempajn limojn. Por Verda Filmejo la tempa limo estas la 1-a de junio de 2010. Do, se ĝis tiu momento ne aperos movado ĉirkaŭ la Verda Filmejo, la projekto estos konservita kaj frostigita. Kaj mi ekokupiĝos pri io alia. (Mi opinias, ke vi devas scii tion ;) )

P.S.S. Hodiaŭ estis senditaj du leteroj al du rajtoposedantoj de du filmoj. Do, tio estas la unua provo traduki la filmon kun permeso de kreantoj kaj rajtoposedantoj.

BV. DONI AL NI SUGESTOJN KAJ KRITIKON POR LA RETEJO ĈI TIE

Aleksander Osincev
la kunordiganto


Blogafiŝo publikigita de KienLi.

Pritakso de la filmo:
aĉamalbonabonabonegasuperba (Estu la unua por pritaksi!)
Ŝarĝo ... Ŝarĝo ...

Probable vin interesos ankaŭ tiuj filmoj:
  • Video-raporto pri kinofestivalo
  • Kargo: seksum-trafiko
  • Filmo tradukata
  • Servilo paneis
  • Esperanta Kinofestivalo

    • Komentoj:

    1. Douwe Beerda

      cxu eblas monti la diversaj subtekstoj, kaj eble aliaj volas plibonigi gxin?

      Estus bedaurinde ke filmoj.net, le plej bona esperanto projekto de 2009 haltos.

      7a de Decembro 2009

    2. KienLi

      Nu, la projekto ne haltiĝas, simple nun estas teknika paŭzo.

      La celo estas motivigi aliajn krei nun novajn subtekstojn, ĉar tiuj, kiuj restis, estas malmultaj.

      Do, la propono estas nur sola: ekkrei novajn subtekstojn!

      7a de Decembro 2009

    3. Douwe Beerda

      Cxu vi ankaux konas Marek, li ankaux organizis la IJK en liberec pasint somere. Li devas havi diversaj subtekstoj de filmoj. (good bye lenin, the czech dream, ktp) Eble vi povas trovi kontakti lin.

      8a de Decembro 2009

    4. KienLi

      Certe, Douwe, mi kontaktis Marek kaj eĉ ne unufoje. Kaj post multe da tempo li skribis, ke ne volas kunlabori pri filmoj, ĉar tio difektas aŭtorajn rajtojn. (Fakte kiam li aktive tradukadis li opiniis sian laboron laŭleĝa :) ) Mi komprenas lin. Fakte subtekstoj laŭ si mem ne estas objekto de aŭtora rajto.

      Krom tio mi kontaktis la grupon Senlime, kaj presjaŭ ĉiujn subtekstojn ni jam havas kaj la plejmulto jam estas afiŝita.

      Krom tio mi kontaktis la svedan grupon de junuloj, kiuj iam tradukis paron da filmoj. Ili pensas kunlabori (sed mi dubas).

      Germana junularo perdis subtekstojn por filmoj “Adiaŭ, Lenin”, “Kuru, Lola, kuru”, “Jenseits der Stille”.

      Krom tio multaj aktivaj personoj jam kunlaboras kaj mi dankas ilin.

      8a de Decembro 2009

    5. Joan Inglada

      Dume, ĉu eblas krei novajn torentojn por anstataŭi tiujn forigitajn de mininova?

      10a de Decembro 2009

    6. KienLi

      Certe, mi povas krei novajn torentojn. Simple nomu filmojn, kiujn vi bezonas.

      Teknike mi disdonas nun ĉirkaŭ 20 lastaj kaj popularaj filmoj, por kiuj mi krei novajn torentajn ligilojn.

      10a de Decembro 2009

    7. Maksimo

      Mi havas e-subtekstojn kaj filmojn:
      Aladdin, La operaco ux, Diamanta brako, Ordinara miraklo, Ivan Vasiljevicx sxangxas la profesion, Kukusxka,
      kaj tiuj kiuj “estas perditaj” de Germaniaj kamaradoj : Lola kuras, Good Bye Lenin, Trans la silento.

      10a de Decembro 2009

    8. KienLi

      Vi estas valora homo, Maksimo ;) Kion vi ŝatus ricevi kontraŭ tiuj ĉiuj subtekstoj?

      10a de Decembro 2009

    9. Maksimo

      Mi konsentas transdoni cxiujn deziratajn dosierojn kontraux danko. Skribu al mi kion kaj kiel mi devas fari por filmojn aux nur subtitolojn meti/sendi kien? Aux vi deziras ricevi nuк subtitolojn? Mi havas propran ftp-ejon. Tie mi povas poiomete meti la filmojn por elsxutado, se vi bezonas.

      11a de Decembro 2009

    10. KienLi

      Dankegon, mi kontaktos vin

      11a de Decembro 2009

    11. brilanto

      Saluton,

      ĉu ne eblus trovi vikion aŭ ekz. Guglo-dosierujon por prilabori eventuale la subtekstojn – tiel, ke ili estu laŭeble aktualaj kaj prete elŝuteblaj?
      Mi ja trovis iujn mistajpojn, sed sendi tien kaj reen ne estas travidebla afero, kaj dume ne aktualas la tekstoj.

      Kio estus la problemo lasi la retejon en senpaga loko kun multa spaco – kaj se vere ne sufiĉe multaj volus “krei movadon” simple deponi tie?
      Eĉ pli konataj retejoj kiel gazetejo.org aŭ mondakalendaro.org preskaŭ estas forigataj pro tio, kvankam ne devus esti problemo simple lasi ilin..

      Esperema,
      kaj bondezirojn por la jarfino kaj nova jaro,

      Robert.

      24a de Decembro 2009

    12. KienLi

      Kara Brilanto,

      se vi redaktis iujn subtesktojn, sendu ilin al mi (alex.osintsev ĈE gmail PUNKTO com). Ili aperos en la retejo.

      Neniu diras, ke la projekto mortas, simple nun mankas tempo kaj mankas helpemaj homoj.

      Mi havas 36 afiŝendajn filmojn. Do, kiam mi ĉion afiŝos kaj venos la tempa limo, indikita supre, mi estos decidanta, ĉu mi daŭrigu la projekton aŭ lasu ĝin.
      Kaj tio tute ne signifos, ke la materialo, kiun mi kun grandaj penoj kolektis, estos perdita. Ne, ĝi restos ie en senpagaj lokoj.

      Kunlaboreme,
      Saŝa Osincev

      24a de Decembro 2009

    Enskribi komenton por “Ne plu aperos filmoj”